Tatizo la Kiswahili kuanza kudidimia siku hizi linatokana
na sababu nyingi. Juu kabisa ni Watanzania
kutojielewa kinafsiya. Ndiyo tunajijua sisi Watanzania. Tunaishi wapi
kijiografia. Lakini sidhani tunaelewa vizuri nafasi yetu kitamaduni hapa
duniani. Matumizi yetu ya lugha yanaonesha “kuchanganyikiwa” huku kunakodhihirisha
ulimbukeni fulani.
Miye Mtanzania siogopi kujitoboa jicho.
Chukua mfano wa mitandao jamii. Mtanzania atatoa maoni
fulani tuseme ukuta wa Facebook. Labda
jambo zuri limeandikwa kwa Kiswahili.
Kujionesha ataandika maoni yake Kiingereza au Kiswanglish. Au jambo
limeandikwa Kiingereza, yeye ataweka maoni Kiswahili.
